پاکستانی شہر لاہور میں دو خود کش حملوں میں کم از کم  چالیس افراد ہلاک اور سو سے زائد کے زخمی ہونے کی اطلاع ہے۔ اطلاعات کے مطابق خود کش بمباروں نے لاہور کینٹ  میں دو فوجی گاڑیوں کو پندرہ سیکنڈ کے وقفے سے نشانہ بنایا۔ مرنے والوں میں پانچ فوجی اہلکار بھی شامل ہیں۔ پولیس حکام  کے مطابق پہلے ایک خود کش حملہ آور نے اپنے آپ کو فوجی گاڑی کے پاس دھماکے سے اڑا دیا۔کچھ دیر بعد ہی دوسرے خودکش حملہ آور نے فوجی قافلے کے قریب دوسری گاڑی پر حملہ کر دیا۔