DW-World.de
Deutsche Welle

Повеќе од 100 држави денеска во Осло го потпишаа Меѓународниот договор за забрана на распрснувачките мини. Меѓутоа, најголемите производители и корисници на овој вид оружје, како САД, Русија, Кина, Израел, Индија и Пакистан нема да го потпишат договорот.

Германскиот министер за надворешни работи Франк-Валтер Штајнмаер и неговиот британски колега Дејвид Милибанд го означија Договорот за забрана на касетни бомби како голем чекор напред во контролата на вооружувањето. Со договорот забранет е вид на оружје, кое и по завршувањето на конфликтите убива голем број недолжни луѓе, напишаа двајцата политичари за весникот Франкфуртер Рундшау.